किपू नगरपालिका वडा नं. ६, लनगोलय् श्री कृष्णेश्वर महाद्यःया देगः पुनर्निर्माणया लागि शिलान्यास जुगु दु।

कार्तिक २८ गते आइतबाः किपू नगरपालिकाया मेयर रमेश महर्जननाप उप–मेयर सरस्वती खड्का, वडा नं. ६ या अध्यक्ष न्हुच्छेबहादुर महर्जननाप वडा सदस्यपि उत्तम नेपाल, सुनिल डंगोल व मञ्जु बुढाथोकीपिन्स छगु ज्याझ्वः दथुइ मंकाः कथं शिलान्यास यानादीगु खः।

प्राकृतिक, धार्मिक, ऐतिहासिक नाप सांस्कृतिक महत्वया सम्पदा दुगु थुगु देगः चथा, शिलाह्रे व बालाह्रे कुन्हु मेला जुगु खः। कूल २९ लाख ५२ हजारया योजना दुगु थुगु देगः जिर्णाेद्धारया लागि थ्व हे कार्तिक २२ गते किपू नगरपालिकाय् सम्झौता जुइ धुकुगु खःसा चैत ३० गते तक ज्या क्वचायकेगु कथं सम्पन्न सम्झौता जुइ खः।

Categorized in राष्ट्रिय