२०७८ मङ्सिर २२, बुधबार

कीर्तिपुर सिङ्गिङ् आइडल–११४२ या अडिशन राउण्ड क्वचाल

लहनान्युज | कछलागा पारु ११४२, मंसीर ४ सनिवाः

कीर्तिपुर सिङ्गिङ आइडल–११४२ या अडिशन राउण्ड क्वचाःगु दु। किपू नगरपालिकाया ग्वसालय् जुयाच्वंगु थुगु ज्याझ्वलय् मुक्कं १९ म्हेसि नं ब्वति काउगु दु।

ब्वतिकापिन्स छ्वयाहःगु म्ये अडिशन राउण्ड अन्तर्गत “कीर्तिपुर सिङ्गिङ आइडल–११४२” यूट््युव च्यानलय् अपलोड जूगु खः। नेपाल संवत् ११४२ न्हूदँया लसताय् किपू नगरपालिकां ग्वसाः ग्वःगु कीर्तिपुर सिङ्गिङ आइडल–११४२ न्हूदँ (म्हपुजा) निसें अडिशन राउण्ड अन्तर्गत यूट््युव च्यानलय् अपलोड याःगु खः।

अडिशन राउण्डय् दुथ्याकूपिनिगु फुक्कसियागु म्ये नं निर्णायक (जज)पिंसं स्वयेधुंकूगु दुसा दुथ्याकूपिं सकसितं खाराओके (ट्राय्कय्) हायेकेगु ग्वसाः खलःया कजि हरिशरण साय्मि जानकारी बियादीगु दु। थुगु खाराओके राउण्डं उत्कृष्ट झिम्ह ल्यइगु जूगु दु ।

ल्यःपिं झिम्हेसित माः कथं तालिमया व्यवस्था जुइगु व वयांलिपा छगू  खुला ज्याझ्वःयासें न्हाप, ल्यू व लियां ल्यू ल्ययेगु ग्वसाः खलकं जानकारी ब्यूगु दु । धेंधें बल्ला कासाय् न्हाप, ल्यू व लियां ल्यू लाःम्हेसित छसि कथं न्यय् द्वः, पीद्वः, व स्वीद्वः दांलिसें दसिपौ व ट्रफि लःल्हाइगु।

Categorized in मनोरन्जन