बाँकेया नेपालगञ्जस्थित भेरी अस्पतालय् वासः यानाच्वंपि निम्ह कोरोना संक्रमितपि मन्त। सीपि दाङया छम्ह मिसा व छम्ह मिजंम्ह खः।

मंसिर २५ गते अस्पताल भर्ना जूम्ह गढवा गाउँपालिका–७, दाङया ४९ दँ दुम्ह मिसा थौं सुथय् ३ बजे मदुगु धका बाँकेया कोरोना फोकल पर्सन तेज वलीं जानकारी बिउगु दु।

अथेहे मंसिर ३० गते अस्पताल भर्ना जूम्ह बाँकेया बैजनाथ गाउँपालिका–५ च्वम्ह ६८ दँ दुम्ह मिजंम्ह ११ बजे मदुगु धका वलीं धाउगु दु। बाँकेय् आःतक कोरोना संक्रमणं सीपि ३४१ थ्यंगु दु स्वास्थ्य कार्यालय बाँके धाउगु दु।

Categorized in राष्ट्रिय