२०८० चैत्र १६, शुक्रबार

येँय् न्हय्क्वःगु जुनियर कराँते च्याम्पियनसिप सुरु

रसिया श्रेष्ठ | कछलागा तृतीया ११४२, मंसीर ६ सोमवाः

राष्ट्रिय टेवुलटेनिस हल लैनचौरय् न्हय्क्वःगु जुनियर कराँते च्याम्पियनसिप न्ह्याःगु दु। नेपाल सितेरियो कराँते संघया ग्वहालि व ठमेल डोजोया ग्वसालय् न्ह्याःगु च्याम्पियनसिपय् नेपालं ४सः व भारतं ५५ म्ह कासामिं ब्वति कयाच्वंगु दु।

कासा ज्वलं लःल्हानाः च्याम्पियनसिपया उलेज्या यासें येँ महानगरया प्रमुख विद्यासुन्दर शाक्यं कासाया इलय् कासामिं धेंधें बल्लाः याय्गु व वयांलिपा सौहार्द सम्बन्ध दय्केगु आचरण मेगु क्षेत्रं सय्केमाःगुलिइ बः बियादिल। आयोजक कमिटीया नायः सन्तोष श्रेष्ठं उमेर पुचः व तौल पुचः, मिसा व मिजं यानाः प्यंगू पुलचय् धेंधें बल्लाः जुइगु जानकारी बियादिल।

उमेर पुचलय् ८दं क्वय्या मचातय्गु न्हापांगु पचुः दय्कातःगु दुसा निदँ पाकाः १८दँतक्कया कासामिं ब्वति कयाच्वंगु द । तौल पुचःपाखे २० के. जी. स्वयां म्ह्वः तौल दुपिनिगु न्हापांगु पुचः दय्कूगु दु। व धुंकाः हरेक ५ के. जी. पाकाः ८० के. जी. तक्कयात तौल पुचलय् वर्गीकरण याःगु दु । कासाया लागिं येँ महानगरपालिकां ५ लाख तका आर्थिक अनुदान ब्यूगु दु ।

Categorized in कासा