उच्च बार विराटनगरं प्रधानन्यायाधीश चोलेन्द्र शमशेर जबराया राजीनामा माग यासे प्रदर्शन याउगु दु।

उच्च अदालत विराटनगर परिसरय् बारया पदाधिकारीपि नाप केन्द्रीय पार्षदपिन्स ल्हातय् हाकूगु पट्टी चिना धर्ना व बेन्च बहिष्कार याउगु खः।

न्यायपालिकाया विकृति, विसंगती, भ्रष्टाचार विरुद्ध बार यानाच्वंगु आन्दोलन मंसिर ५ गतेनिसे १० गतेतक बेन्च बहिस्कार याउगु खः।

न्यायपालिकाया गरिमा कायम तयेमफुम्ह विवादित प्रधानन्यायाधीशं तत्काल राजीनामा बिइमाःगु माग यासे चरणवद्ध विरोधया ज्याझ्व सञ्चालन याना वयाच्वंगु खः धका विराटनगर बारं धाउगु दु।

Categorized in राष्ट्रिय