नेपाली कांग्रेसया १४क्वःगु महाधिवेशन अन्तर्गत सुर्खेतय् जुगु क्षेत्रीय अधिवेशनय् निम्ह पूर्वमन्त्री महाधिवेशन प्रतिनिधिइ पराजित जुगु दु।

सुर्खेत–२ पाखे पूर्वमन्त्री शिवराज जोशी व पूर्वराज्यमन्त्री खड्गबहादुर बस्याल महाधिवेशन प्रतिनिधिइ पराजित जुगु खः। स्वकः तक मन्त्री जुइ धुकुम्ह जोशीं ३१० मत जक हःगु खः। केन्द्रीय महाधिवेशनपाखे खुलाय् झीम्ह प्रतिनिधिइ प्रतिस्पर्धा याउगुलि १३ औं नम्बरय् वंगु खः।

अथेहे केन्द्रीय महाधिवेशनय् दलितपाखे उम्मेदवार जुम्ह बस्यालं ३०२ मत जक हःगु खः। वयात लोकबहादुर विश्वकर्मां पराजित याउगु खः। विश्वकर्मां ४७३ मत कया निर्वाचित जुगु खः। सुर्खेतय् महामन्त्री पूर्णबहादुर खड्का समूह विजयी जुगु खः।

निगु हे निर्वाचन क्षेत्रया कार्यसमिति व महाधिवेशन प्रतिनिधिइ खड्का समूहया प्यानल विजयी जुगु खः।

Categorized in राष्ट्रिय