बैंकिङ कसूर मुद्दाय् फरार प्रतिवादीयात ज्वंन
लहनान्युज | कछलागा पंचमी ११४२, मंसीर ८ बुधवाः
![](https://www.lahananews.com/sites/default/files/apr.jpg)
प्रहरीया केन्द्रीय अनुसन्धान ब्यूरों बैंकिङ कसूर मुद्दाय् फरार प्रतिवादीयात ज्वंगु दु।
येँ महानगरपालिका–१० छेँ दुम्ह थौं कन्ह्यः यलया सानागाउँ च्वनाच्वम्ह ५१ दँ दुम्ह दुर्गा शाही सापकोटायात प्रहरीं ज्वःगु दु। उच्च अदालत पाटनय् वयागु विरुद्ध मंसिर १६ गते बैंकिङ कसुर मुद्दाय् न्ह्यन्हु कैद व १३ लाख ६५ हजार रुपैयाँ जरिवाना यायेगु फैसला न्यकूगु खः।
अदालतया फैसलालिपा फरार जुयाच्वम्ह सापकोटायात यलया सानागामय् सुलाच्वंगु अवस्थाय् केन्द्रीय अनुसन्धान व्युरो टोलीं बुधबाः नियन्त्रणय् काउगु खः। थःगु खाताय् माक्को ध्यवा मदुम्ह सापकोटां २०७५ साल कात्तिक ६ गते रकम भुक्तानीया लागि हिमालयन बैंक लिमिटेडया चेक काटे याना बिउगु खः।
वयात ज्वना फैसला कार्यान्वयनया लागि बुधबाः काठमाडौं जिल्ला अदालतय् पेश याउगु खः धका ब्यूरों जानकारी बिउगु दु।
Categorized in अपराध