सर्वोच्च अदालतय् थौं फुलकोर्ट बैठक च्वनेत्यःगु दु। गोलाप्रथा प्रक्रियापाखे पेसी गुवलय् निसे तोके यायेगु धइगु बारे निर्णय यायेत फुलकोर्ट बैठक च्वनेत्यःगु खः।

बैठकं सम्भवत वइगु बुधबाःनिसे गोलाप्रथापाखे पेसी तोके यायेगु निर्णय याइ। थ्व स्वया न्ह्यः प्रधानन्यायाधीश चोलेन्द्र शम्सेर जबरां थःगु तजबिजी कथं पेसी तोके याना वयाच्वंगु खः।

तर वंगु बिहीबाः फुलकोर्ट बैठकं प्रधानन्यायाधीश जबराया तजबिजी अधिकार कटौती यासे गोला प्रक्रियापाखे इजलास तोके यायेगु व्यवस्था याउगु खः। जबरानाप असन्तुष्ट सर्वोच्चया न्यायायाधीशपिन्स व कानून व्यवसायीपिन्स वयागु विरुद्ध उत्रे जुगु खः।

गोलाप्रक्रिया सुरु जुइवं न्यायाधीशपि नियमित इजलासय् लिहावंसा जबराया नेतृत्व धासा स्वीकार मयायेगु धका धाउगु दु।

Categorized in राष्ट्रिय