एमालेया झीक्वःगु राष्ट्रिय महाधिवेशनया तयारी पूरा
लहनान्युज | कछलागा षष्ठी ११४२, मंसीर ९ बिहीवाः
नेकपा एमालेया झीक्वःगु राष्ट्रिय महाधिवेशनया दक्को तयारी पूरा जुगु दु। एमालेया निर्वाचन आयोगयो कार्यालयं आन्तरिक तयार पूरा जुगु धासे थौंनिसे चितवनया सौराहाय् चुनावया प्रकृया लागि कार्यालय स्थापना यायेगु धका धाउगु दु। झीक्वःगु महाधिवेशनया नेतृत्व ल्ययेगु लागि प्यानल दयकेगुलि रोक लगे याउगु दु।
वंगु महाधिवेशनय् प्यानल हे दयका नेतृत्व ल्ययेगु खःसा १० क्वःगु महाधिवेशनय् धासा रोक लगे याउगु दु। एमाले केन्द्रीय निर्वाचन आयोगया अध्यक्ष डा. विजय सुब्बां प्यानल दयके मदइगु व्यवस्था याउगु दु। गुगु न प्यानल दयकुगु भ्वँ सार्वजनिक जुल धासा नियम कथं कारबाही जुइ धका धाउगु दुु। सु न उम्मेदवारं प्रचारया लागि पर्चा, पम्प्लेट, ब्यानर थे जागु सामग्री वितरण यायेत रोक लगे याउगु दु।
सच्छि गः विद्युतीय मतदान मेसिन प्रयोग
चुनावय् सच्छिगः विद्युतीय मतदान मेसिन प्रयोग याइगु जुगु दु। ९२ गः मेसिन चुनावया लागि प्रयोग याइगगु व स्वगः मेसिन नमुना मतदानया लागि कार्यालय अगाडि खुला तइगु जुगु दु। न्यागः मेसिन जगेडाय् तइगु जुसा। मेसिनय् गडबडी वंसा ल्यःदनिइगुलि प्रयोगय् हइ धका आयोगं धाउगु दु।
५० क्षेत्रय् चुनाव जुइगु
नेकपा एमालेया विधान कथं थीथी ५० गु क्लस्टरय् चुनाव याइ। १५ म्ह पदाधिकारीपि नाप २२५ म्हसिगु केन्द्रीय कमिटी जुइ। केन्द्रीय अनुशासन आयोगय् १५ व केन्द्रीय लेखा आयोगय् १५ याना ३० म्ह निर्वाचित जुइ।
Categorized in राष्ट्रिय
