शेयर बजाःया कारोबार जुइगु थौं लिपागु दिं सामान्य घटे जुगु दु।

शेयर बजाः परिसूचक नेप्से थौं दशमलव २२ अङ्कं घटे जुया २ हजार ७ सय ३१ दशमलव ७८ विन्दुइ कुहावंगु दु।

थौं बैंकिङ, होटल व मेमेगु बाहेक दक्को समूहया शेयर घटे जुगु दु। विकास बैंक, बीमा, व्यापार व बीमा समूहया शेयर तसकं कुहावंगु दु। २३३ कम्पनीया ७४ लाख ८६ हजार कित्ता शेयर ३ अर्ब ७८ करोड ९७ लाख रुपैयाँया शेयर कारोबार जुगु दु।

दकलय् अप्वो नेपाल टेलिकमया २६ करोड ५७ लाख रुपैयाँ शेयर किनबेच जुगु दु। थौं मानुषी लघुवित्त कम्पनीया शेयर दकलय् अप्वो ७ प्रतिशतं घटे जुगु दु।

समग्र बजाः घटे जूसा समृद्धि फाइनान्सया शेयर नौ प्रतिशतं थहा वंगु दु।

Categorized in राष्ट्रिय