किपू नगरपालिकाया कार्यालय म्हिगः बिहीबाः निसे नेपालभाषाया राष्ट्रिय म्ये हालेगु सुरु याउगु दु। वंगु मंसिर ७ गते मंगलबाःनिसे नियमित रुप सुथय् “सयौ थुंगा फूलका हामी” राष्ट्रिय म्ये शुरु याउगु खः।

म्हिगः बिहीबाः निसे किपू नगरपालिकाया कर्मचारीपिन्स नेपालभाषाया राष्ट्रिय म्ये “धुन दने धुन सन्ह्यलं झी” न नियमित रुप हाला ज्या सुरु याइगु खः। म्ये हाले धुका कर्मचारीपिन्त नीति नियम व न्हिथं माःगु निर्देशन बिइगु याइ।

नेपालभाषाया राष्ट्रिय म्ये हालिइगु मध्ये किपू नगरपालिका न्हापागु पालिका जुगु दु। छु ई न्ह्यः जक वागमती प्रदेश सरकारयात भाषा आयोगं खस नेपाली भाषा नाप तामाङ्ग भाषा र नेपालभाषायात सरकारी कामकाजया भाषाय् छ्यले फइगु धका सिफारिस याउगु खः।

Categorized in राष्ट्रिय