नेपाल संवत् न्हूदँ राष्ट्रिय समारोह समिति ११४२ या ग्वसालय् कन्ह्य शनिवाः न्हूदँया लसताय् कौला ज्याझ्वः याइगु जूगु दु।

समारोह समिति कौला ज्याझ्वः उपसमितिया कजि ज्योति शाक्यं उगु कौला ज्याझ्वः शनिवाः ११ गते थँहितिइ सुथसिया ८ ता ईनिसें ११ ता ईतक यायेगु जानकारी बियादीगु दु। कजि शाक्यं बियादीगु जानकारी कथं उगु कौला ज्याझ्वलय् नेवाः न्ह्यलुवाः लिसें संघीय मामिला व सामान्य प्रशासन मन्त्री राजेन्द्र श्रेष्ठ मूपाहाँ कथं ब्वनातयागु व थीथी राजनीतिक पार्टीया मन्त्रीपिन्त ब्वनातयागु धका जानकारी बियादिगु दु।

अथेहे, उगु ज्याझ्वलय् विशिष्ट पाहाँ कथं न्हूदँ समारोह समिति सल्लाहकार समितिया नायःलिसें भाषासेवी, समाजसेवी, उद्योगपति नेवाः न्ह्यलुवाः लक्ष्मीदास मानन्धरयात ब्वनातयागु जानकारी नं शाक्यं बियादिगु दु।

ज्याझ्वलय् न्हूदँया आन्दोलनय् आबद्ध व नेपालभाषा ख्यःया हनेबहःपिं व्यक्तिपिन्त उगु ज्याझ्वलय् ब्वनातःगु दु।

Categorized in राष्ट्रिय