प्रधानमन्त्री शेरबहादुर देउवां देश व जनता नाप स्वाउगु मूल मुद्दा दक्को दल दथुइ संवाद व सहकार्य आवश्यक दु धका धयादीगु दु।

थौं शुक्रबाः नेकपा एमालेया झीक्वःगु महाधिवेशनया उलेज्या यायेगु झ्वलय् सम्बोधन यानादीसे प्रम देउवां दल दथुइ विमतियात संविधान निर्धारण यायेत विधिपाखे टुंग्ये यायेमाः धका धयादीगु खः।

‘देश व जनतानाप स्वाउगु मूल मुद्दा दल दथुइ संवाद सहकार्य आवश्यक दु’ वयकलं धयादीगु दु, ‘झी दथुइ दुगु नीतिगत विमतियात संविधानं निर्धारण याउगु विधिपाखे टुंग्य याये माः व उकियात सकसिया स्वीकार यायेमाः।’ प्रधानमन्त्री देउवां देशय् खनेदुगु दक्को समस्याया संवाद, छलफल व संविधानपाखे समाधान पिकायेगु थःगु चाहना खः धका धाउगु दु।

प्रधानमन्त्री देउवां कानुनी शासन व व्यक्तिगत स्वतन्त्रता सुनिश्चित यासे देशयात समृद्ध दयकेत दक्को दलया लक्ष्य न खः धका धाउगु खः।

Categorized in राष्ट्रिय