नेपाली कांग्रेसया १४ क्वःगु महाधिवेशन अन्तर्गत जिल्ला अधिवेशनया लिच्वः वयेगु सुरु जुगु दु। आःतक  वःगु लिच्वः कथं ३५ गु जिल्लाया सभापतिपिनिगु लिच्वः वःगु दु।

उकि मध्ये संस्थापन अर्थात् सभापति शेरबहादुर देउवानिकट १६ म्ह सभापतिपि निर्वाचित जुइ धुकुगु दु। वरिष्ठ नेता रामचन्द्र पौडेलया नेतृत्व याउगु संस्थापनइतर समूहं १९ गु जिल्ला सभापति त्या धुकुगु दु। पौडेल पक्षं दाबी याउगु मध्ये जाजरकोटया वेदराज सिंह व रुकुम पश्चिमका प्रेमप्रकाश वलीयात संस्थापन पक्षं थः निकट दावी याउगु।

अधिवेशनय् पौडेल पक्षपाखे उम्मेदवारी बिइगु तयारी याना च्वंगु दु सा सिंह व वलीं सर्वसम्मत सभापति जुगुलि थः छु गुटयाम्ह धका खुले जुइ चाहे मजु धका धाउगु दु।

Categorized in राष्ट्रिय