नेपाली कांग्रेसया नेता भीमसेन दास प्रधानं १४ क्वःगु महाधिवेशनय् थः बागमती प्रदेशया सभापतिइ उम्मेदवारी बिइगु घोषणा याउगु दु।

शनिबाः येँया शान्तिबाटिकाय् जुगु ज्याझ्वलय् बागमती प्रदेशया सभापतिइ उम्मेदवारी बिइगु घोषणा याउगु दु। नेता प्रधानं संविधानया मर्म व भावना कथं संघीयतायात संस्थागत विकास यायेत थःम्हेसिया माःगु भूमिका म्हित्येगु धका धयादीगु खः।

संघीयता कार्यान्वयन तसक फ्यासूगु धका धासे थःम्हेसिया बागमती प्रदेश सभापति जुल धासा संघीयताया संस्थागत विकासया लागि ज्या याये धका धयादीगु खः।

नेता प्रधानं प्रदेश दुने दक्को जिल्ला नाप समन्वय याना बागमती प्रदेशयात नमुना प्रदेश दयकेगु धका धयादीगु खः।

Categorized in राष्ट्रिय