सरकारं दक्षिण अफ्रिका जुया नेपाः वइपि यात्रुपिन्त छवाः अनिवार्य क्वरेण्टीन तयेगु निर्णय याउगु दु।

दक्षिण अफ्रिकाय् पिहावंगु कोरोना भाइरसया न्हुगु भेरियन्ट ओमिक्रोनयात विश्व स्वास्थ्य सङ्गठनं भेरियन्ट अफ कन्सर्न घोषणा यासे स्वास्थ्य तथा जनसङ्ख्या मन्त्रालयं अनिवार्य क्वरेण्टीनया व्यवस्था याउगु दु धका स्वास्थ्य मन्त्रालयया प्रवक्ता कृष्ण पौडेलं जानकारी बिउगु दु।

नेपालय् आः खोप कया मवःपि न्हुपि यात्रुपिन्त छवाःया क्वरेण्टीन अनिवार्य यायेगु पूर्ण मात्राय् खोप काये धुकुपि यात्रुपिन्त होटेल क्वरेण्टीन अनिवार्य याउगु मदु। विदेशपाखे वइपि यात्रुपिन्त विमानस्थलय् एन्टिजेन परीक्षण याइगु जुगु दु।

Categorized in राष्ट्रिय