वाःया न्हापागु दिं थौं आइतबाः शेयर बजाः तसकं कुहावंगु दु। नेपाल राष्ट्र बैंकं चालु आर्थिक वर्षया लागि हःगु मौद्रिक नीतिया समीक्षा नकरात्मक असर शेयर बजारय् न खनेदुगु दु।

समीक्षा लिपा थौं आइतबाः खुले जुगु बजाः ८० दशमलव २९ अंकं घटे जुया २ हजार ६ सय ५१ दशमलव ४९ अंकय् कुहावंगु दु। ‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न १४ दशमलव १९ अंकं घटे जुगु दु।

५ अर्ब ८३ करोड ५१ लाख ३५ हजार ५५ रुपैयाँया शेयर कारोबार जुगु दु। मौद्रिक नीतिया समीक्षा शेयर धितो कर्जा राष्ट्र बैंक लचक जुइगु अपेक्षा शेयर लगानीकर्तापिन्स याउगु दु। तर राष्ट्र बैंकं समीक्षाया शेयर बजारया विषय छु धाउगु मदु।

Categorized in राष्ट्रिय