नेकपा एमालेया अध्यक्ष ओली शर्मा ओली निकट प्यम्ह नेतापि केन्द्रीय सदस्यपि धलः दयकेगु निति छलफलय् जुटे जुगु दु।

सौराहय् जुयाच्वंगु एमालेया झीक्वःगु महाधिवेशनया बन्दसत्रय् शुक्रबाः भीम रावल व घनश्याम भुसाल लगायतपि नेतापिन्स विरोधया दथुइ कमिटीया नां प्रस्ताव यायेगु सर्वाधिकार अध्यक्ष ओलीयात बिउगु खः।

ओलीं थौं सुथय् १० बजे बन्दसत्र तःगु खः। तर उपि सुथय् हे नेतापि नाप छलफल यानाच्वंगु खः। पदाधिकारी व केन्द्रीय सदस्यया आकांक्षीपि अध्यक्ष ओलीयात नापलाना  लबिइङ यानाच्वंगु खः।

छम्ह नेताया कथं आः केन्द्रीय सदस्यपिनिगु धलखय् ज्याजुयाच्वंगु दु। संगठन विभाग प्रमुख विष्णु पौडेलया नाप नेतापि शंकर पोखरेल, पृथ्वीसुब्बा गुरुङ व प्रदीप ज्ञवाली पार्क सफारी होटलय् कोठा नम्बर ४०१ य् च्वना केन्द्रीय सदस्यपिनिगु धलः दयकाच्वंगु दु।

Categorized in राष्ट्रिय