शेयर बजाःया परिसूचक नेप्से थौं सोमवाः हाकनं घटे जुगु दु। म्हिगः ८० अङ्कं घटे जुगु नेप्से थौं २१ दशमलव ५१ अङ्कं घटे जुया २ हजार ६ सय २९ दशमलव ९७ विन्दुइ झरे जुगु दु।

जलविद्युत् व म्युचल फन्डबाहेक मेगु दक्को समूहया शेयर कुहावंगु दु। विकास बैंक, उत्पादन, बीमा व मेमेगु समूहया शेयर तधःगु ल्याखं घटे जुगु दु। २ सय २८ कम्पनीया ८२ लाख २५ हजार कित्ता शेयर ४ अर्ब ८९ लाख रुपैयाँया कारोबार जुगु दु।

दकलय् अप्वो महालक्ष्मी विकास बैंकया ६१ करोड रुपैयाँ शेयर किनबेच जुगु दु। आईसीएफसी फाइनान्सया शेयर १० प्रतिशतं चन्द्रागिरि हिल्स व महालक्ष्मी विकास बैंकया शेयर ५ प्रतिशत स्वया अप्वो घटे जुगु दु।

समग्र बजाः घटे जूसा न्यादी हाइड्रोपावरया शेयर १० प्रतिशतं थहावंगु दु।

Categorized in राष्ट्रिय