नेकपा एमालेया महाधिवेशन जुयाच्वंगु थासय न्हुगु नेतृत्वया लागि मतदान जुयाच्वंगु इलय् अध्यक्षया प्रत्यासी भीम रावल लगायतया उम्मेदवारपिन्त भोट मबिइत प्रतिनिधिपिन्त पर्चा इनेगु ज्या जुगु दु।

एमाले महाधिवेशन सर्वसम्मत नेतृत्व ल्ययेगु कुतः असफल जुगुलि थौं सुथय् मतदान सुरु जुगु खः। थ्व स्वया न्ह्यः रावल पक्षयात भोट फ्वना च्वंगु पर्चा इनेवं कार्यकर्तापिन्त एमालेया स्वयंसेवकपिन्त बन्दसत्र हलं पितिना हःगु खः।

भोट तयमते धका इउगु पर्चाय् सूयाउ नां दु? अथेहे, उपाध्यक्षय् उम्मेदवारी बिउम्ह घनश्याम भुसाल, खुला सचिवय् उम्मेदवार टंकप्रसाद कार्की व भीमप्रसाद आचार्यपिन्त भोट बिइमते धका पर्चा इउगु खः।

प्रदेश १ खुला सदस्यय् भाष्कर काफ्ले, प्रदेश १ मिसा सदस्यय् नीरा खनाल, सुदूरपश्चिम प्रदेश मिसा सदस्यय् पशुपति कुँवर व मञ्जु मलासी, दलित खुला सदस्यय् नरबहादुर विक व थारु खुला सदस्यय् जयप्रकाश थारु नाप लिउने लागु क्षेत्रपाखे सदस्यया उम्मेदवार भरत साउदयात भोट बिइमते धका पर्चा इउगु खः।

Categorized in राष्ट्रिय