नेवाः पत्रकार राष्ट्रिय दबूया गुक्वःगु दँ मुँज्या यलया च्यासलय् थ्व हे वइगु सनिवाः मंसीर १८ गते जुइगु दु।

उगु दँमुज्याय् प्यम्ह पत्रकारपिन्त सिरपाः बिइगु जुगु दु। ताःईनिसे पोखराय् च्वना पत्रकारिता यानाच्वनादीम्ह उदय बहादुर अमात्ययात ’ज्ञानज्योती–लक्ष्मीप्रभा स्मृति पत्रकारिता पुरस्कार ११४२ हनापौ नाप नगदपाखे न सम्मानित यायेत्यःगु दु।

अथेहे बोधी टेलिभिजन एचडीया ज्याझ्वः न्ह्याकाच्वनादीम्ह विमला शाक्ययात ’भिक्षु कुमार काष्यप स्मृति पत्रकारिता सिरपा, प्रशान्त मालीयात ’ज्ञानदेवी–मणिरत्न स्थापित स्मृति पत्रकारिता सिरपा व स्वतन्त्र सञ्चारकर्मी पद्मसागर कक्षपतियात बाबुराजा ज्यापु फोटो पत्रकारिता सिरपापाखे सम्मानित याइगु जुगु दु।

उगु ज्याझ्वलय् मूपाँहा कथं संघीया मामिला तथा सामान्य प्रसाशन मन्त्री राजेन्द्र श्रेष्ठ ब्बनातःगु दु।

Categorized in राष्ट्रिय