नेपाली कांग्रेसया वरिष्ठ नेता रामचन्द्र पौडेल समूहपाखे बागमती प्रदेश सभापतिइ जगदीश्वर नरसिंह केसीयात उम्मेदवार दयकिइगु जुगु दु।

बिहीबाःनिसे सुरु जुइगु प्रदेश अधिवेशनया लागि पौडेल समूहपाखे नुवाकोट जिल्लाया पूर्वसभापति केसीयात सभापतिया उम्मेदवार दयकेगु निर्णय याउगु दु।

बागमती प्रदेश सभापतिया लागि पौडेल समूहपाखे केसीनाप काभ्रेया पूर्वसभापति मधु आचार्य, धादिङया पूर्वसभापति रमेश धमला, येँं जिल्लाया पूर्व सचिव राजुराज जोशीलगायतपि आकांक्षी जुगु खः।

बुधबाः बहनि वरिष्ठ नेता पौडेल, पूर्वमहामन्त्री प्रकाशमान सिंह, केन्द्रीय सदस्य अर्जुननरसिंह केसी, गगनकुमार थापा लगायतपिनिगु बैठकं केसीयात ल्यःगु खः।

थ्व स्वया न्ह्यः हे पूर्वमहामन्त्री कृष्णप्रसाद सिटौलानिकट नेता भीमसेनदास प्रधानं उम्मेदवारी घोषणा याये धुकुगु दु। बागमती प्रदेश अधिवेशन मंसिर १७ गते मनोनयन दर्ता व १८ गते मतदान जुइगु निर्वाचन कार्यतालिकाय् दु।

Categorized in राष्ट्रिय