बाला चःह्रै मेलाया निति पशुपतिइ सुरक्षा व्यवस्था कडा याउगु दु। थौं चान्ह्यः पशुपतिया मू द्यःया थाय् दँच्छिया दुने मदुपिनिगु नामय् मतः च्याकिइगु खःसा बाला ह्वलेगु याइ।

थुकिया तयारी नितिथौं सुथय् हे पशुपतिइ हुल जुइ धुकुगु दु। गौशाला–चारशिवालय, गौशाला–भुवनेश्वरी, जयबागेश्वरी–भुवनेश्वरी, पश्चिम गोल्डेनगेट, गुरुमार्ग(बि–१३ या मार्ग) व उमाकुण्ड–लक्षिणमूर्तिपाखे गाडी प्रवेश निषेध याउगु दु।

अथेहे नियमित आवागमन जुइगु गाडीइ महानगरीय ट्राफिक प्रहरी प्रभाग गौशालापाखे व्यवस्थापन याइ धका कोषं धाउगु दु। भक्तजनपिन्त पश्चिम व दक्षिण ढोकां पिने मतः च्याकिइगु व्यवस्था मिले याउगु दु।

अथेहे मृगस्थली (ब्युटिफूल) दुने फेन्सिङ्गय् दुहा वनेगु गेटय् स्वंगु हे ध्वाकाय् सशस्त्र प्रहरी व कोषया सुरक्षाकर्मी खटे यायेगु व पिने सशस्त्र प्रहरी व नेपाल प्रहरीें गस्ती यायेगु व्यवस्था याउगु दु।

अथेहे मत च्याकेगु निति थः हे उपस्थित जुइ मफुसा न्हापा थे तु द्धःछिया रसिद काटे याये फइगु व्यवस्था कोषं याउगु दु।

Categorized in राष्ट्रिय