सभामुख अग्निप्रसाद सापकोटां संसदया गतिरोध व सर्वोच्च अदालतय् खनेदुगु समस्या समाधानया लागि उपाय मालेगु धका धाउगु दु।

स्पेनं थौं बिहीबाः सुथय् स्वदेश लिहावेगु झ्वलय् सभामुख सापकोटां त्रिभुवन अन्तर्राष्ट्रिय विमानस्थलय् ग्वसाः ग्वंगु पत्रकार सम्मेलनय् उगु धारणा तयादीगु खः।

स्पेनय् च्वना च्वनागु इलय् न राष्ट्रिय राजनीतिया विषय सामान्य जानकारी दु धका धयादीसे आः समस्या समाधानया उपाय माले धका धयादीगु खः।

अन्तर व्यवस्थापिका संघ (आईपीयू)या १४३ क्वःगुं सम्मेलनय् सहभागी जुइत सभामुख सापकोटा थ्व हे वंगु मंसिर ८ गते स्पेनया म्याड्रिड वंगु खः।

Categorized in राष्ट्रिय