राष्ट्रपति विद्यादेवी भण्डारी थौं बिहीबाः लुम्बिनी वनेगु ज्याझ्वः दु।

लुम्बिनी बौद्ध विश्व विद्यालयया ग्वसालय् त्रियान प्रज्ञा सम्मेलन समारोह व विश्व विद्यालयया पुस्तकालय भवन उलेज्याय् ब्बति कायेगु निति राष्ट्रपति लुम्बिनी वने त्यंगु खः।

राष्ट्रपति थौं न्हिनय् १ बजे सम्मेलनय् सहभागी जुइगु ज्याझ्वः दु धका विश्व विद्यालयया उपकूलपति हृदयरत्न बज्राचार्यं धाउगु दु।

व स्वया न्ह्यः राष्ट्रपति भण्डारीं थौं हे कपिलवस्तुया बाणगंगास्थित कैलाश आश्रमय् निरीक्षण याइगु ज्याझ्वः दु।

Categorized in राष्ट्रिय