२०७९ श्रावण २५, बुधबार

राजेन्द्र लिङ्देनं निर्वाचनया लागि उपाध्यक्ष व महामन्त्रीइ उम्मेदवार क्वछित

लहनान्युज | कछलागा चःह्रै ११४२, मंसीर १६ बिहीवाः

राष्ट्रिय प्रजातन्त्र पार्टीया अध्यक्षय् उम्मेदवारी घोषणायाम्ह राजेन्द्र लिङ्देनं निर्वाचनया लागि उपाध्यक्ष व महामन्त्रीया उम्मेदवार क्वछिउगु दु।

लिङ्देनं प्यानलपाखे उपाध्यक्षय् बिक्रम पाण्डे, दिलविकास राजभण्डारी, रामचन्द्र राय व लीला श्रेष्ठं उम्मेदवारी बिइगु जुगु दु। अथेहे महामन्त्रीइ डा. धवलशम्शेर राणा, श्याम तिमिल्सिना व रेखा थापां उम्मेदवारी बिइगु धका राप्रपा नेता मुकुन्दश्याम गिरीं जानकारी बिउगु दु।

म्हिगः बुधबाः सुरु जुगु राप्रपाया महाधिवेशनय् अध्यक्षया लागि कमल थापा व राजेन्द्र लिङ्देनं उम्मेदवारी घोषणा याउगु खः। राप्रपाय् प्यम्ह उपाध्यक्ष व स्वम्ह महामन्त्री निर्वाचनपाखे ल्यइगु खःसा मेपि १४१ म्ह केन्द्रीय सदस्यपि निर्वाचनपाखे जुइगु खः।

Categorized in राजनीति