नेपालय् निम्हेसित न्हुगु भेरियन्ट ओमिक्रोन संक्रमण पुष्टि
लहनान्युज | थिंला द्धितीया ११४२, मंसीर २० सोमवाः
नेपालय् न कोरोना भाइरसया न्हुगु भेरियन्ट ओमिक्रोन संक्रमण पुष्टि जुगु दु।
सोमबार स्वास्थ्य मन्त्रालयं ग्वसाः ग्वंगु पत्रकार सम्मेलनय् सहप्रवक्ता समीरकुमार अधिकारीं नेपालय् न ओमिक्रोन संक्रमण पुष्टि जुगु जानकारी बिउगु दु।
छम्ह ६६ दँ दुम्ह विदेशी नागरिक व वनाप सम्पर्क दुम्ह ७१ दँ दुम्ह मेम्ह नेपाली नागरिकयात मंसिर १९ गते ओमिक्रोन संक्रमण पुष्टि जुगु दु। मन्त्रालयया कथं उमित मंसिर ७ गते परीक्षण याउगु खः।
निम्हेसिया हे कोरोना भाइरस विरूद्धया खोप कयातःपि खः। वंगु मंसिर ३ गते न्हुगु भेरियन्ट पुष्टि जुम्ह ६६ दँ दुम्ह विदेशी नागरिक त्रिभुवन अन्तरराष्ट्रिय विमानस्थल जुया नेपालय् प्रवेश याउगु खः।
तर कोभिड–१९ नाप मिले जुगु लक्षण उपिके खनेदुगु खः। वयालिपा राष्ट्रिय जनस्वास्थ्य प्रयोगशाला टेकुइ जिन सिक्वेन्सिङ विधिपाखे परीक्षण याउलि मंसिर १९ गते ओमिक्रोन नेपालय् न्हापागु पटक पुष्टि जुगु धका मन्त्रालयया सहप्रवक्ता समीरकुमार अधिकारीं धाउगु दु।
