हल्चोकय् आकाश भैरवया मुर्ति थौं चान्ह्य खुया यकूगु दु।

हल्चोक आकाश भैरव गुथिया अध्यक्ष सागर पुतुवारं जानकारी बिउगु कथं थौं चान्ह्य १२ बजेनिसे साढे १२ बजे दुने उगु मुर्ति खुया यकूगु खः।

द्यःया लिउने पखः गया वया प्यगः न्यागः मोटरसाइकल वःगु खः। अन द्यनिइम्ह पुजारीयात ज्यानया धम्कि बिया उगु मुर्ति खुया यकूगु खः।

आः उगु मुर्ति खुया यकूपिनिगु मालिइगु ज्या पुलिसं यानाच्वंगु दु।

Categorized in राष्ट्रिय