नवनियुक्त सदस्य सचिव घिसिङयात ओलम्पिक कमिटीइ लसकुस
नृपेन्द्रलाल श्रेष्ठ | थिंला तृतीया ११४२, मंसीर २१ मंगलवाः
नेपाल ओलम्पिक कमिटीं सोमबाः छगु विशेष ज्याझ्वः दथुइ राष्ट्रिय खेलकुद परिषदया सदस्य सचिव टंकलाल घिसिङया लसकुस याउगु दु।
सातदोबाटो स्थित ओलम्पिक भवनय् कमिटीया अध्यक्ष जीवनराम श्रेष्ठं सदस्य सचिवया कार्यकाल सुथां लाय्मा धासे नेपाली खेलकुदया निगु सर्वोच्च निकाय कमिटी व परिषद दथुइ सहकार्य जुइमाः धका बः बियादीगु दु।
सदस्य सचिव घिसिङं थःगु नियुक्तिनाप राष्ट्रिय टिमया तयारी सुरु यायेगु निर्णय याये धुकागु दु धका धाउगु दु।
Categorized in कासा
