नेपाली कांग्रेसया केन्द्रीय सदस्य जीवन परियारं पार्टीया १४ क्वःगु महाधिवेशनय् सहमहामन्त्रीया उम्मेदवारी घोषणा याउगु दु।

मंगलबाः येँ पत्रकार सम्मेलन यासे नेता परियारं दलितपाखे सहमहामन्त्री पदय् उम्मेदवारी बिइगु घोषणा याउगु दु।

कांग्रेसय् थुगु पटकनिसे समावेशी समूह अन्तर्गत खस आर्य, महिला, थारु, आदिवासी जनजाति, दलित, मधेशी, मुस्लिम व लिउने लागु क्षेत्रपाखे छम्ह छम्हेसिया सहमहामन्त्री जुइगु व्यवस्था याउगु खः।

केन्द्रीय सदस्य परियारं संस्थापन इतर समूहपाखे सहमहामन्त्रीया उम्मेदवार जुइत्यंगु खः। संविधान सभा सदस्य जुयादीम्ह वयक १२ क्वःगु महाधिवेशननिसे निरन्तर केन्द्रीय सदस्य जुयाच्वम्ह खः।

Categorized in राष्ट्रिय