नेप्से ५ अंकं घटे जुल
रसिया श्रेष्ठ | थिंला पंचमी ११४२, मंसीर २२ बुधवाः
शेयर कारोबार मापक नेप्से परिसूचक थौं वाःया लिपागु दिं ५ अंकं घटे जुगु दु।
वाःया न्हापागु दिं निसे लगातार घटे जुया वयाच्वंगु बजाः थौं बिहीबाः यक्को कम्पनीया शेयर भाः थहावंगु दु। नेप्से परिसूचक ५ दशमलव ८४ अंकं घटे जुया २ हजार ४ सय ४९ दशमलव ९७ अंकय् कुहावंगु दु।
नेप्से परिसूचक घटे जूसा ‘क’ वर्गय् सूचीकृत कम्पनी कारोबार मापन याइगु सेन्सेटिभ सूचक धासा ०.४३ अंकं थहवंगु दु। न्हिच्छियकं ४१ हजार ३८९ कारोबार जुगु २३१ कम्पनीया ६२ लाख २३ हजार ७२१ कित्ता शेयर जक किनबेच जुगु खः।
२ अर्ब ६७ करोड ३३ लाख ८ हजार ७ सय ९२ रुपैयाँया थौं कारोबार जुगु खः। बिहीबाः होटल व पर्यटन समूहय् दुगु कम्पनीया शेयर भाः थहावंगु दु। थुगु समूहया उपसूचक १८ दशमलव ७७ अंकं थहावंगु दु।
मेमेगु समूह ४ दशमलव १७ अंकं थहावना म्युचुअल फण्ड भचा थहावना सकारात्मक खनेदुगु दु।
Categorized in राष्ट्रिय