नेवाः तयगु मौलिक बाजं दाफा संस्कृतियात संरक्षण व सम्बद्र्धन यायेगु उद्देश्यं किपू नगरपालिकां किपूलिइ थीथी दाफा खलःपिन्त हार्माेनियम लल्हागु दु।

वंगु भदौ २४ गते थीथी १९ गु दाफा खलःपिन्त हार्माेनियम लल्हागु खः। किपू नगरपालिका वडा नं.२ भवन, देवढोकाय् जुगु छगु ज्याझ्वलय् किपू नगरपालिकाया मेयर रमेश महर्जन, उप–मेयर सरस्वती खड्का, प्रमुख प्रशासकीय अधिकृत कृष्णप्रसाद सापकोटा नाप किपू नगरपालिका वडा नं. १ या अध्यक्ष हर्ष महर्जन, वडा नं. २ या अध्यक्ष रमेशमान डंगोल, वडा नं. १० या अध्यक्ष अमन महर्जनंपिन्स हार्माेनियम लल्हानादीगु खः।

Categorized in राष्ट्रिय