येँ महानगरपालिकाया मेयर विद्यासुन्दर शाक्यं थः निर्वाचित जुइ धुका महानगरपालिकां आः यानागु ज्याया प्रगति विवरण सार्वजनिक याउगु दु। स्थानीय तहया निर्वाचन जुगु प्यदँत्या दुगु इलय् येँ महानगरपालिकां १ सय ९६ दशमलव १ किलोमिटर सडक कालोपत्रे (पिच) यानागु धका जानकारी बिउगु दु।

२७ क्वःगु महानगर दिवसया लसताय् थौं याउगु पत्रकार सम्मेलनं प्यदँया दुने १४ दशमलव ६८ किलोमिटर सडक ढलान यानागु व १० दशमलव ७९ किलोमिटर सडक ब्लक छापे याये धुकागु दु धका जानकारी बिउगु दु। ‘४ सय ८९ किलोमिटर सतकय् ल्ह्वं लायेगु ज्या क्वचाये धुकगु दु सा २ सय २६ दशमलव ४ किलोमिटर सतक मर्मत व १८ दशमलव ३४ किलोमिटर ढल निर्माण याये धुकागु द,’ धका वयकलं धाउगु दु।

आःतक २७ गु ऐन, न्यागु नियम, प्यंगुु निर्देशिका, नीगु कार्यविधि, स्वंगु मापदण्ड व छगु मार्गदर्शन÷निर्देशन याना ६० गु कानुन तर्जुमा याना जारी याये धुकागु जानकारी बिउगु दु। ‘१ लाख ३७ हजार थान मिसिल डिजिटलाइजेसन यानागु,’ वयकलं धाउगु दु, ‘४० गु राजपत्र व छगु ऐन संग्रह प्रकाशन याये धुकागु दु। महानगरपालिका दुने केन्द्रीय कार्यालयनाप दक्को वडा कार्यालय मेलमिलाप केन्द्र स्थापना याये धुकागु दु।’

डाक्टरनाप ५ हजार ७ सय ७१ म्ह ज्येष्ठ नागरिकपिनिगु छेँ वना निःशुल्क स्वास्थ्य परीक्षण यानागु व ज्येष्ठ नागरिकपिनिगु स्वास्थ्य बीमा शुरु यानागु जानकारी न बिउगु दु। कोभिड महामारीया उपचार यायेगु लागि गूगु सरकारी व सामुदायिक अस्पतालय् करिब ११ करोड ६० लाख रुपैयाँ बराबरया ४६ थान भेन्टिलेटर प्रदान याये धुकागु दु सा छत्रपाटी निःशुल्क चिकित्सालय व नरदेवी आयुर्वेद अस्पतालयय् कोभिड विशेष अस्पताल व राधास्वामी आइसोलेसन केन्द्र स्थापना यानागु धका न धाउगु दु।

उगु पत्रकार सम्मेलनय् धाउगु दु नेपालभाषा एकेडेमीनाप सहकार्यय् ‘नेपालभाषा ज्ञान कोष’ प्रकाशनया लिपागु चरणय् थ्यंगु दु व येँया सम्पदा नाप जीवनशैली झल्के जुइगु कलात्मक चित्र सफू प्रकाशनय् हयाउगु जानकारी बिउगु दु। ‘येँ मौलिक नाप परम्परागत बाजागाजा संरक्षणया लागि गुठीयात ग्वाहालि यानागु,’

मेयर शाक्यं धाउगु दु, ‘स्थानीय तहय् माध्यमिक तहतक शिक्षाया अधिकार प्राप्त जुगु विद्यालय सञ्चालन व्यवस्थापनया लागि ऐन जारी यानागु दु। धका धासे दक्को सामुदायिक व संस्थागत विद्यालय स्थानीय विषयया रुपय् नेपालभाषाया पाठ्यक्रमय् ‘येँ देय् म्हसीके’ निर्माण याना कार्यान्वयनय् हयाउगु दु। महानगरय् छगु वडा छगु नमूना विद्यालय विकास कार्यक्रम अन्तर्गत ३२ गु सामुदायिक विद्यालय कार्यक्रम सञ्चालन यानागु दु’।

थःगु कार्यकालय् येँ महानगरपालिकाया आन्तरिक श्रोतपाखे महानगरय् करिब १२ हजार बरिष्ठ ज्येष्ठ नागरिकपिन्त दच्छिइ १२ हजार रुपैयाँ भत्ता वितरण याना वयाच्वनागु व पूर्ण अपाङ्ग जूपिन्त मासिक ३ हजार रुपौयाँ उपलब्ध याना वयाच्वनागु धका जानकारी बिउगु दु।

‘आर्थिक बर्ष २०७५÷०७६ निसे ए डिभिजनया फुटबल क्लबयात बाषिर्क १० लाख रुपैयाँ, बी डिभिजनया फुटबल क्लबयात ३ लाख रुपैयाँ व सी  डिभिजनया फुटबल क्लबपिन्त बाषिर्क २ लाख प्रदान याना वयाच्वनागु दु,’ वयकलं धाउगु दु, ‘सहिद (दशरथ चन्द, गंगालाल श्रेष्ठ, धर्मभक्त माथेमा, शुक्रराज शास्त्री), नेपाल सम्बत्का प्रवर्द्धक नाप राष्ट्रिय विभूति शंखधर साख्वाः व मानव अधिकारवादी नेता पद्मरत्न तुलाधरया पूर्ण कदको शालिक निर्माण यानागु दु।

तारादेवी स्मृति फाउन्डेसन, नातिकाजी स्मृति प्रतिष्ठान, प्रेमध्वज प्रधान स्मृति प्रतिष्ठानयात २० लाखया दरं ग्वाहालि यानागु दु।’

Categorized in राष्ट्रिय