येँ महानगरपाकलिकाया मेयर विद्यासुन्दर शाक्यं पार्टी व जनतां चाहे जूसा थः हाकनं महानगरपालिकाया मेयर दोहरे जुइ धका धयादीगुदु।

थौं आइतबाः सुथय् महानगरपालिकां याउगु पत्रकार सम्मेलनय् मेयर शाक्यं पत्रकारपिन्स मेयर दोहरे जुइ योजनाबारे न्ह्यसः न्यंगु खः। उकिया लिसः बिइगु झ्वलय् नेकपा एमालेपाखे निर्वाचित मेयर शाक्यं थःत बिउगु जिम्मेवारी पुरा जुगु÷मजुगु स्वया मूल्यांकन पार्टी व जनता याना च्वंगु धका धासे आवश्यक जूसा हाकनं पार्टी न खटे याइगु थासय् थः खटे जुइ धका धाउगु दु।

‘जितः महानगरपालिकां बिउगु जिम्मेवारी उपयुक्त व बालाक्क सम्पादन यानागु मूल्यांकनसहित पार्टी न छ्वंगु थासय् हाकन जनताय् अनुमोदनया लागि वनेमाः,’ वयकलं धाउगु दु,’ जि दोहरे जुइगु÷मजुइगु धइगु खँ पार्टी व जनताय् भर जुइ।’

Categorized in राष्ट्रिय