२०८० चैत्र १६, शुक्रबार

बेलायतय् ओमिक्रोन आपतकाल’ घोषणा

लहनान्युज | थिंला दशमी ११४२, मंसीर २७ सोमवाः

बेलायती प्रधानमन्त्री बोरिस जोनसनं ‘ओमिक्रोन आपतकाल’ घोषणा याउगु दु।

जोनसनं न्हुगु ओमिक्रोनया संक्रमण यक्को अप्पोगुलि आपतकाल घोषणा याउगु दु। जोनसनं ओमिक्रोनया व्यापक लहर वःगु धासे आपतकाल घोषणा याउगु दु धका बीबीसीं धाउगु दु।

‘ओमिक्रोनको भीषण लहर वयेफुगु खँ सुना न शंका यायेम्वाः’, टेलिभिजनय् सम्बोधन यायेगु झ्वलय् जोनसनं धाउगु दु, ‘न्हुगु भेरियन्टविरुद्धया लडाइँ झीसं छगु आपतकाल सामना याना च्वनागु दु।’ओमिक्रोन भेरियन्ट यक्को फैलै जुगु धका बेलायतय् कोभिड सतर्कता थकाना प्यंगु तहय् थ्यकूगु छु ईलिपा हे जोनसनं ‘ओमिक्रोन आपतकाल’ घोषणा याउगु दु।

जोनसनं थुगु वाः दुने हे १८ दँ स्वया च्वय्यापिन्त सकसित बुस्टर डोज खोप बिइगु जानकारी बिउगु दु। कोभिड खोपया निगुगु डोज आवश्यकता कथं सुरक्षा प्रदान मयाउगुलि बुस्टर डोज कायेमाःगु धका धाउगु दु। ओमिक्रोन फैलै मजुगुलि सेनाया ४२ टोली दक्को क्षेत्रय् परिचालन याइगु धका जोनसनं धाउगु दु। अथहे इङल्याण्डभर थप खोप केन्द्र व घुम्ती सेवा स्थापना याउगु धका धाउगु दु।

Categorized in अन्तर्राष्ट्रिय