नेपाली कांग्रेसया नेता प्रकाशमान सिंहं सभापति पदया निगुगु चरणया निर्वाचनय् शेरबहादुर देउवायात समर्थन याउगु दु।

देउवायात नापलाना नेता प्रकाशमानं देउवायात हे समर्थन यायेगु जानकारी बिउगु दु। नापलाये धुका संचाःकःमिपि नाप खँ ल्हासे नेता सिंहं धाउगु दु, ‘झीसं निगुगु चरणया निर्वाचनय् देउवायात ग्वाहाली याना वनेगु निर्णय यानागु दु।’

निगु चरणया चुनावय् शेरबहादुर देउवा व शेखर कोइराला दथुइ प्रतिस्पर्धा जुइत्यंगु दु। सिंहं देउवायात समर्थन यायेगु निर्णय यायेवं देउवा सभापतिइ निर्वाचित जुइगु आः लगभग पक्का जुइ।

न्हापागु चरणया चुनावय् देउवां २२५८ व कोइरालां १७०२ मत काउगु खः। ३७१ मत कया स्वंगूगु थासय् प्रकाशमान सिंह, २५० मत कया प्यंगु थासय् विमलेन्द्र निधि व न्यागू थासय् कल्याण गुरुङ सभापति पदय् आः जुइगु  निगुगु चरणया निर्वाचनं पिहावंगु दु।

Categorized in राष्ट्रिय