नेपाली कांग्रेसया सभापति पदया लागि निगुगु चरणया निर्वाचन न्हिनय् ३ः३० बजेनिसे सुरु जुइत्यंगु दु।

केन्द्रीय निर्वाचन समितिं मतदानया लागि ३ः३० बजेदेनिसे ७ः३० बजे तकया ई निर्धारण याउगु दु। निगुगु चरणया चुनावय् शेरबहादुर देउवा व शेखर कोइराला दथुइ प्रतिस्पर्धा जुइ।

न्हापागु चरणया चुनावय् देउवां २२५८ व कोइरालां १७०२ मत काउगु धका निर्वाचन समितिं धाउगु दु। ३७१ मत कया स्वगूगु थासय् प्रकाशमान सिंह, २५० मत कया प्यंगूगु थासय विमलेन्द्र निधि व न्यागू थासय् कल्याण गुरुङ लाउगु खः।

Categorized in राष्ट्रिय