नेकपा एमाले न थौं मंगलबाः शुरु जुगु प्रतिनिधिसभाया न्हापागु बैठक अवरुद्ध याउगु दु।

थःपिन्स सांसदपिन्त कारबाही यानागु सभामुखं मान्यता मबिउगु विरोधय् वंगु अधिवेशननिसे संसद अवरुद्ध याना वयाच्वंगु एमाले न थौं मंगलबाः निसे शुरु जुगु संसद अधिवेशनया न्हापागु बैठकय् न उगु हे विषययात कया अवरुद्ध याउगु खः। एमाले सांसदपिनिगु नाराबाजी दथुइ हे सभामुख अग्निप्रसाद सापकोटां संसद बैठक सञ्चालन याउगु दु। थौंया बैठकय् सरकारया पाखे खुगु विधेयक पेश याउगु दु।

सरकारयापाखे कानुन न्याय तथा संसदीय मामिलामन्त्री दिलेन्द्रप्रसाद बडुं नेपाल प्रहरी व प्रदेश प्रहरी (कार्यसञ्चालन, सुपरिवेक्षण व समन्वय) (न्हापागु संशोधन) अध्यादेश २०७८ पेस यायेत्यंगु खः। वयकलं हे ै तेजाब तथा अन्य घातक रासायनिक पदार्थ (नियमन) अध्यादेश २०७८ व सामाजिक सुरक्षा –न्हापागु संशोधन) अध्यादेश २०७८ पेस याउगु खः।

अथेहे रेल्वे अध्यादेश २०७८, यौन हिंसाविरुद्धया छु ऐनयातयात संशोधन यायेगु अध्यादेश २०७८ व फौजदारी कसूर नाप फौजदारी कार्यविधिसम्बन्धी छु ऐन संशोधन याय्गु अध्यादेश न संसदमा पेश याउगु दु। संसद अधिवेशन चालु मजुगु इलय् सरकारं हःगु अध्यादेश संसदया न्हापागु बैठकय् हे पेस यायेगु प्रावधान दु।

आ संसदया मेगु बैठक पुस ६ गते मंगलबाः न्हिनय् १ बजे तकया लागि स्थगित याउगु दु।

Categorized in राष्ट्रिय