२०८० चैत्र १६, शुक्रबार

हृदयेश त्रिपाठीं न्हुगु पार्टी घोषणा

लहनान्युज | थिंला एकादशी ११४२, मंसीर २८ मंंगलवाः

पूर्वमन्त्री हृदयेश त्रिपाठीं जनता प्रगतिशलि पार्टी गठन याउगु दु।

थौं मंगलबाः येँ छगु पत्रकार सम्मेलनय् न्हुगु दल गठन यानागु जानकारी बिउसे त्रिपाठीं मेगु दलया आलोचना याना थः भिंम्ह क्यनेगु रुचि मदु धका धयादीगु खः।

आः देशय् वैचारिक बहस शून्य जुगु व वर्तमान अवस्थाय् राज्यया स्वंगू हे अंग व्यवस्थापिका, कार्यपालिका व न्यायपालिका प्रभावहीन नाप गतिहीन जुगुलि देशया राजनीतियात गतिशील दयकेगु निति न्हुगु पार्टी गठन यानागु धका धयादीगु खः।

पूर्वमन्त्री त्रिपाठीं एमसीसी लगायतया विषय राष्ट्रिय सहमति जुुइमाः धका बःबियादीगु खः। वयकलं संविधान संशोधन, लेखा परीक्षण,स्थानीय तहया सीमांकन, देशया अर्थतन्त्र, मुख्य अन्नबालीयो न्यूनतम समर्थन भाः निर्धारण, तराई मधेशया पारम्परिक पेशाया संरक्षण, जन्मया आधारय् नागरिकता काये दइगु लगायतया खँ थःगु पार्टी न वैचारिक बहस याये धका धाउगु खः।

त्रिपाठीया न्हुगु पार्टी घोषणा ज्याझ्वलय् पूर्वसभामुख दमननाथ ढुंगाना, पूर्वअर्थसचिव रामेश्वर खनाल, राजनीतिक विश्लेषक तुलनारायण साहलगायतपिनिगु उपस्थित दुगु खः।

Categorized in राजनीति