नेपाली कांग्रेसया १४ क्वःगु महाधिवेशन अन्तर्गत महामन्त्री पदय् मतगणना जुयाच्वंगुलि गगन थापां ६ सय मतं न्ह्यने लानाच्वंगु दु।

२८२० मत गणना जुगुलि थापां १८४२ मत काउगु दु। अथेहे विश्वप्रकाश शर्मां ११४७, डा. प्रकाशशरण महत ९३५, प्रदीप पौडेल ८४२, डा. मिनेन्द्र रिजालं ४८० व राजाराम कार्की न ६७ मत काउगु दु।

महामन्त्रीइ शेरबहादुर देउवा प्यानलपाखे डा. प्रकाशरण महत व प्रदीप पौडेल, शेखर कोइराला प्यानलपाखे गगन थापा व मिनेन्द्र रिजाल, प्रकाशमान सिंह प्यानलपाखे विश्वप्रकाश शर्मा व विमलेन्द्र निधि प्यानलपाखे राजाराम कार्की उम्मेदवार बिउगु खः।

कांग्रेसय् निम्ह महामन्त्री निर्वाचित जुइगु व्यवस्था दु।

Categorized in राष्ट्रिय