क्रिकेट खेलाडी संघ नेपाल (सिप्यान) नं क्रिकेट कासामिपिन्त कारबाही याउगुलि नेपाली क्रिकेटय् अवरोध वइगु अवस्था वंगु दु।

अध्यक्ष मनिषराज पाण्डे व महासचिव पारस खड्कां मंका विज्ञप्ति जारी यासे कासामिपिनिगु सः व भावना सम्बोधन यायेगु सट्टा उमित कारबाही याउगुलि ध्यानाकर्षण जुगु दु धका धाउगु दु।

क्रिकेट कासामिपिनिगु योगदानया कारण विश्व क्रिकेट जगतय् विशेष पहिचान दयकेत ताःलागु खँ लुमकूसे सिप्यान धाउगु दु, ‘कासामिपिनिगु थःगु भावना व सः न्ह्यने यकेगु माग सम्बोधन यायेगु स्वया उमित कारबाही यागुलि नेपाली क्रिकेटया विकासय् पंगः वयेफु।’

वंगु मंसिर २९ गते नेपाल क्रिकेट संघ (क्यान) न राष्ट्रिय क्रिकेट टिमया कप्तान ज्ञानेन्द्र मल्ल व उपकप्तान दीपेन्द्र सिंह ऐरी नाप प्येम्हेसित कारबाही याउगु खः। उमिसं वर्गीकरणबारे थःपिन्स असन्तुष्टि सार्वजनिक याउगु खः।

Categorized in कासा