किपूया मेयर रमेश महर्जनया बुदिंया लसताय् भिंतुना ज्याझ्वः जुगु दु।

वंगु सोमवाः थिंलाथ्व एकादशि कुन्हु किपू नगरपालिकाया मेयर महर्जनया बुदिं खः। मेयर महर्जनया बुदिंया लसताय् नगरपालिकाय् छगु भिंतुना बिगु ज्याझ्वः जूगु खः।

नगरपालिकाय् दक्कले थकालिम्ह वडा नं. १ या अध्यक्ष हर्ष महर्जनं दक्कले न्हापां मेयर महर्जनयात भिंतुना बियादिसें नेवाः परम्पराकथं खेँय् सगं लःल्हानादीगु खः।

वयांलिपा छसीकथं जनप्रतिनिधिपिं व कर्मचारीपिंसं नगर प्रमुखया बुन्हिया लसताय् भिं–उसाँय्  व ताःआयुया कामनायासें स्वां देछाया व खादां क्वखायेका भिंतुना बियादीगु खः । 

Categorized in राष्ट्रिय