सिन्धुलीइ जंगली किसिया पुचः बस्तीय दुहाँवया छेँ थुंगु दु ।

कोशी टप्पु वन्य जन्तु आरक्षणं सिन्धुली दुहाँवःगु किसिया पुचःलं वंगु चान्हय् कमलाखाेंच क्षेत्रया दुधौंली नगरपालिका–४ बैराहाय् छेँ थुंगु खः ।

वंगु दँय् नं पुसया अन्तिमपाखे सिन्धुली दुहाँवयेगु याःगु किसिं थुगुसिइ मंसीरं हे कमलाखोंचय् दुहाँवया आतंक न्यंकाच्वंगु दु  ।

किसिया पुचःलं थ्वयान्ह्यः नं दुधौली नगरपालिका–६ या  माथिल्लो पत्रिंगा व कुनी गाँया ३० खा छेँ थुनाबिउगु खःसा केराघारी मासे यायेगु व छेँय् तयातःगु वाः तकं नयाबिउगु खः ।

न्हिने चुरे व भावर क्षेत्रय् च्वनिगु व चान्हय् चुरेया जंगलं बस्तीइ दुहाँवइगु किसिया पुचःपाखें स्थानीय ग्याचिकुइ लाःगु दु ।

Categorized in अपराध