वाग्मती प्रदेशसभाको नवौँ अधिवेशन बैठक आज बस्दै छ । आज दिउँसो १ बजेका लागि बैठक तय भएको छ।

मुख्यमन्त्री राजेन्द्रप्रसाद पाण्डेले विश्वासको मत पाएपछि प्रदेशसभाको बैठक बसेको छैन ।संसद् सञ्चालनका लागि आवश्यक छलफल गर्न सभामुख सानुकुमार श्रेष्ठले कार्यव्यवस्था परामर्श समितिको बैठक बोलाएका हुन्।

सोही बैठकबाट प्रदेशसभा बैठकको कार्यसूची तय हुने जनाइएको छ।

वाग्मती प्रदेशसभामा प्रमुख प्रतिपक्षी दल नेकपा (एमाले)का ४३, नेकपा (माओवादी केन्द्र)का २३, नेपाली कांग्रेसका २२, नेकपा (एकीकृत समाजवादी)का १३, जसपाका एक, नेमकिपाका दुई, राप्रपाका दुई र विवेकशील साझाका तीन गरी कुल १०९ सांसद छन् ।