नेपाली कांग्रेसया १४ क्वःगु महाधिवेशनपाखे निर्वाचितजूपि केन्द्रीय समितिपिनिगु बैठक थ्व हे पुस १० च्वनिइगु जुगु दु धका कांग्रेस केन्द्रीय कार्यालयया मुख्य सचिव कृष्णप्रसाद पौडेलं जानकारी बिउगु दु।

थौं तक दक्को केन्द्रीय सदस्यपिनिगु मतपरिणाम वये धुकिइसा बैठक व्यवस्थापनया तयारी सुरु जुइ धका धाउगु दु। आः आदिवासी जनजाती व खसआर्यपाखे केन्द्रीय सदस्यपिनिगु निर्वाचनया मतपरिणाम सार्वजनिक जुइ ल्यःदनिइ।

बुधबाः तक दलितपाखे १०६ पदया मतपरिणाम सार्वजनिक जुइ धुकुगु दु। आःतक सार्वजनिक १३ म्ह पदाधिकारी ९७ म्ह पदमध्ये संस्थापन समूहया निगु तिहाइ अप्वो पदय् निर्वाचित जुगु दु।

कांग्रेसया विधान कथं निर्वाचित केन्द्रीय सदस्यपाखे सभापतिया प्रस्तावय् छम्ह कोषाध्यक्ष मनोनित नाप थप ३३ म्ह केन्द्रीय सदस्य मनोनित याये दइगु प्रावधान दु।

Categorized in राजनीति