पुननिर्माण प्राधिकरणं येँ महानगरपालिकायात लानिपूखुया स्वामित्व छगु ज्याझ्वः दथुइ हस्तान्तरण याउगु दु।

प्रमुख कार्यकारी शुशिल ज्ञवालीं महानगरया मेयर विद्यासुन्दर शाक्ययात लानिपूखु हस्तान्तरणया भ्वँ लल्हाउगु खः। लानिपूखया न्हापागु चरणको पुननिर्माण सम्पन्न जुइ धुकुगु दु।

राष्ट्रिय पुननिर्माण प्राधिकरणया ई न थौंनिसे क्वचागु दु। मल्लकालया जुजु प्रताप मल्लं निर्माण याउगु खः। थुकिया पुननिर्माणया झ्वलय् असमन्वय व पूखु दथुइ देगः दयकेगु शैलीइ विषय बिवाद जुइवं तत्कालीन प्रधानमन्त्री के. पी. शर्मा ओलीया इनापय् पुननिर्माणलिपा महानगरया स्वामित्व कायम जुइगु कथं राष्ट्रिय पुननिर्माण प्राधिकरणयात पुननिर्माणया जिम्मेवारी बिउगु ख ।

उगु हस्तान्तरण ज्याझ्वलय् मेयर शाक्ं धयादीगु दु, ‘प्राधिकरणं पूखु पुननिर्माण यायेगु इलय् महानगरं याउगु निर्णय कार्यान्वयन यायेमाःगु शर्तया आधारय् बियाउगु खः। पुननिर्माण उगु कथं हे जुगु खः।’ उगु इलय् पुखु दथुइया बालगोपालेश्वर देगःगुम्बज शैलीया खः। २०७४ पुष १३ गते व वयालिपा चैत २२ गते महानगरया मेयर बिद्यासुन्दर शाक्यया अध्यक्षताय् च्वंगु निगु बैठकया निर्णय आधारय् उगु देगः मल्लकालीन ग्रन्थकुट शैलीइ पुननिर्माण यागु खः।

Categorized in राष्ट्रिय