नेपाल राष्ट्र बैंकं ५०० तकाया न्हूगु नोट बजारय् वगु दु। राष्ट्र बैंकं ५०० तकाया नोट साविकया हे आकार व रङय् संकेत नम्बर छ÷३८ ०००००१ निसें झ÷४२ ९९९९९९ तकया न्हूगु नोट थौंनिसें प्रचलनय् वंगु दु।

उगु न्हूगु नोटय् खवपाखें सगरमाथाया चित्र व जवपाखें लागिगुँरासया लः छाप दु। राष्ट्र बैंकया गभर्नर महाप्रसाद अधिकारीया ल्हाचिं दुगु उगु नोटया क्वय्यागु भागया बोर्डरय् नोटया सिरियल नम्बर नेपालीइ विं सं. २०७७ च्वयातःगु दु।

अथेहे, ३.५ मिमि ब्याः दुगु रङ परिवर्तन जुइगु (नोटया तप्यकं स्वयेबलय् ह्याउँगु रङ व ढल्के यानाः स्वयेबलय् वाँउगु खनेदुगु) सुरक्षण सुकाः तयातःगु दु। सगरमाथा हिमालया जवपाखें खेँबाँलुगु दुने रङ परिवर्तन जुइगु (नोटयात तप्यकं स्वयेबलय् सुनौला रङ व ढल्के यानाः स्वयेबलय् वाउँगु रङ खनेदइगु) कुवेरया चित्र तयातःगु दु।

Categorized in राष्ट्रिय