नेपाली कांग्रेसया १४क्वःगु महाधिवेशनं न्हू निर्वाचित केन्द्रीय कार्यसमितिया न्हापांगु मुँज्या थौं च्वनेत्यंगु दु ।

पार्टी केन्द्रीय ज्याकु सानेपाय् न्हिनेसिया नितिं मुँज्या सःतूगु दु । थौं हे न्हू निर्वाचित पदाधिकारी व दुजःयात दसिपौ इनिगु लिसें सपथ ग्रहण याकेगु ज्याझ्व दु ।

महाधिवेशनं १३म्ह पदाधिकारीलिसें सच्छि व २१म्ह केन्द्रीय दुजः निर्वाचित जूगु दु । सभापति देउवां ३३ म्ह केन्द्रीय दुजः मनोनित यायेदइ ।

केन्द्रीय समितिया न्हापांगु मुँज्या न्ह्यः म्हिगः प्रधानमन्त्री निवास बालुवाटारय् सभापति शेरबहादुर देउवालिसेंया न्हू निर्वाचित पदाधिकारीतये मुँज्या च्वंगु खः ।

Categorized in राजनीति