शेयर बजाः परिसूचक नेप्से थौं बुधवाः सामान्य थहावंगु दु।

थौं नेप्से ५ दशमलव ५१ अङ्कं थहावना २ हजार ५ सय २४ दशमलव ५० विन्दुइ थ्यंगु दु। थौं व्यापार, विकास बैंक, फाइनान्स, जीवन बीमा व लगानी समूहया शेयर घटे जूसा मेमेगु समूहया शेयर सामान्य थहावंगु दु।

अथेहे २ सय २८ कम्पनीया ५६ लाख ३८ हजार कित्ता शेयर ३ अर्ब ६२ करोड ३४ लाख रुपैयाँ कारोबार जूगु दु। दकलय् हिमालयन डिस्टिलरीया ५२ करोड ५५ लाख रुपैयाँ शेयर कारोबार जूगु दु।

थौं मध्य भोटेकोसी जलविद्युत् कम्पनीया शेयर १० प्रतिशतं व नेपाल बङ्गलादेश बैंक शेयर ९ प्रतिशतं थहावंगु दु। नारायणी विकास बैंक शेयर धासा झन्डै साढे ३ प्रतिशतं घटे जुगु दु।

Categorized in राष्ट्रिय