२०८० चैत्र १६, शुक्रबार

चान्ह्य ट्याक्सी छ्यला खुइपि खुँतय् प्रहरी ज्वन

लहनान्युज | थिंलागा दशमी ११४२, पुष १४ बुधवाः

प्रहरीं चान्ह्य ट्याक्सी छ्यला थीथी सहकारी व कारखानाय् खुइपि खुम्हेसित ज्वंगु दु।

महानगरीय अपराध महाशाखाया टोलीं पुस १२ गते सनिलय् येँं महानगरपालिका–१२ बुद्धनगरपाखे खुया यकूगु व उगु सामान न्याइगु कवाडी पसः सञ्चालकयात ज्वंगु खः।

सिन्धुपाल्चोक छेँ दुम्ह टोखा च्वनाच्वम्ह ३१ दँ दुम्ह रोशन उप्रेती, सर्लाही छेँ दुम्ह टोखाय् च्वनाच्वम्ह ३३ दँ दुम्ह रामपुनित महतो व २६ दँ दुम्ह रामविश्वास महतो, नुवाकोट छेँ दुम्ह गोंगबुइ च्वना च्वम्ह ३६ दँ दुम्ह राम बाघदास व भारत मोतिहारी छेँ दुम्ह टेकुइ कवाडी पसः सञ्चालन यानाच्वम्ह ५३ दँ दुम्ह सत्रुधन प्रसाद जैसवालपिन्त प्रहरी ज्वंगु खः।

उपि नाप प्रहरीं ९.५ किलोग्राम सिजया तार याउगु क्वाइल बरामद याउगु खः।

Categorized in अपराध